Plot
Tradución ao galego do primeiro volume da serie creada para o mercado francés polo guionista David Muñoz (Madrid, 1968) e o debuxante Tirso Cons (Pontevedra, 1969), coloreada por Javi Montes (A Coruña, 1975).
A Mansión dos Murmurios presenta nesta primeira entrega o arrinque dun guión que mestura fantasía e retallos da realidade: mudanzas monstruosas da condición humana, mansión recóndita e misteriosa, experimentos nazis, pasadizos secretos, guerra... unha intriga cuxas orixes proceden dun remoto pasado e que avanza nunha atmosfera pechada e desacougante, cun grafismo tenebroso e ao tempo dinámico no que o xogo de luces e sombras e as cores sombrías se adaptan aos requisitos da historia. A continuación da aventura promete novas emocións e sorpresas.