Plot
Esta obra obtivo o PREMIO DEPUTACIÓN DA CORUÑA a proxectos sobre o Reino de Galicia 2022.
Nunha Galiza en tensión por manterse como reino independente, sete infantes raptan a Nuno, o primoxénito do rei García II. Un enigmático cabaleiro francés, de nome Roldán, inicia unha aventura de rescate sen freo que deixará como rastro un río de sangue. A traizón a un rei ten un prezo.
Inacio e Iván Suárez adaptan de xeito maxistral esta obra dunha das mellores plumas do romanticismo, Victor Hugo, que fixou a súa mirada no derradeiro rei de Galiza para rimar un relato épico e poético que resulta imperecedoiro e fresco.
Le petit roi de Galice, publicado dentro da obra magna de Hugo La légende des siècles, recupera a tradición medievalista dos autores románticos enxalzando a loita clásica entre o ben e o mal. Unha banda deseñada na categoría de delicatessen.
O proxecto complétase con dúas pezas divulgativas:
GARCÍA DE GALIZA: O fillo da traizón. Curta documental de dous capítulos, dirixida por Manel Cráneo, que analiza os motivos que levaron a Victor Hugo a abordar a figura deste rei fundamental e o feito da traizón e usurpación do seu trono como fito indispensable para entender a historia de Galiza. Estrea o 21 de marzo de 2023 na nosa canle de Youtube.
Unidade didáctica con actividades sobre o tema, que se pode descargar na seguinte ligazón: O REICIÑO UNIDADE DIDÁCTICA